प्रधानमन्त्री खेलेको फिल्म फ्लप भएपछि निर्माताले भने, ‘अब फिल्ममा नेतालाई खेलाउँदिनँ’

प्रधानमन्त्री केपी शर्मा ओलीसहित अन्य नेताहरूको अभिनय रहेको फिल्म ‘नमेटिने घाउ’ फ्लप भएपछि निर्माता रमित ढुंगानाले अब फिल्ममा नेतालाई खेलाउने योजना त्यागेको बताएका छन्। फिल्मको प्रचारप्रसारमा नेताहरुलाई मुख्य रूपमा अगाडि ल्याइए पनि, सामाजिक सञ्जालमा ‘बहिष्कार गरौं’ भन्ने ट्रेन्ड चलेपछि फिल्मले अपेक्षित दर्शक तान्न सकेन। यो फिल्ममा प्रधानमन्त्री केपी शर्मा ओली, पूर्वप्रधानमन्त्री माधवकुमार नेपाल, माओवादी सांसद देवेन्द्र पौडेल र राप्रपा सांसद ज्ञानेन्द्र शाहीको अभिनय रहेको थियो।

रमितले भने, “नेताहरुलाई फिल्ममा समेट्दा दर्शकले बायकट गरेका कारण फिल्म असफल भयो। अब नेतालाई फिल्ममा राख्ने छैन।” फिल्मको प्रचारप्रसारमा नेताहरुलाई केन्द्रमा राखिए पनि दर्शकले यसलाई सकारात्मक रूपमा नलिएको उनले बताए। ‘नमेटिने घाउ’ एसिड आक्रमणका पीडित किशोरीहरूको कथामा आधारित फिल्म हो।

Ads

Ads

Ads