याम्बालिङ्ग हाइड्रोपावर लिमिटेडले आयोजना प्रभावित सिन्धुपाल्चोक जिल्लाका स्थानीय बासिन्दाहरूका लागि निष्काशन गरेको आईपीओ आज आइतबार बाँडफाँड गरिएको छ।
बिक्री प्रबन्धक मुक्तिनाथ क्यापिटलका अनुसार कुल ७ लाख कित्ता सेयरमध्ये १ हजार ७०९ जना आवेदकलाई ६ लाख ९६ हजार ४२० कित्ता सेयर वितरण गरिएको हो। यस प्रक्रियामा १० कित्तादेखि ७७० कित्तासम्म माग गर्ने सबै आवेदकहरूले माग बमोजिमकै सेयर प्राप्त गरेका छन् भने ८०० देखि ७ हजार कित्तासम्म आवेदन दिनेहरूले सुरुमा ७८० कित्ताका दरले सेयर पाएका छन्।
७ लाख कित्तामध्ये बाँकी रहेको ३ हजार ५८० कित्ता सेयर भने ८०० देखि ७ हजार कित्तासम्म माग गर्नेहरूमध्येबाट ३५८ जनालाई गोलाप्रथा मार्फत थप १०/१० कित्ताका दरले प्रदान गरिएको छ। कम्पनीले २०८२ चैत्र ८ गतेदेखि यो सेयर निष्काशन खुला गरेको थियो।
प्रतिकृया