एपोलो हाइड्रोपावरको आइपीओ भर्ने आज अन्तिम दिन

एपोलो हाइड्रोपावरको आयोजना प्रभावित क्षेत्रका स्थानीय बासिन्दाका लागि निष्काशन गरिएको आइपीओमा आवेदन दिने आज अन्तिम दिन हो। कम्पनीले फागुन ११ गतेदेखि स्थानीय बासिन्दाका लागि सेयर बिक्री खुला गरेको थियो र चैत १० गतेसम्म आवेदन दिने व्यवस्था भए पनि मागभन्दा बढी आवेदन परेकाले आजबाट आवेदन बन्द गर्न लागिएको छ।

कम्पनीले ४ लाख ७० हजार कित्ता सेयर आयोजनाबाट उच्च प्रभावित क्षेत्र (ओखलढुङ्गा जिल्ला, खिजिदेम्बा गाउँपालिका वडा नं ७ र ८) का बासिन्दा, १ लाख ४१ हजार कित्ता मध्यम प्रभावित क्षेत्र (सोलुखुम्बु जिल्ला, लिखुपिके गाउँपालिका वडा नं २ र रामेछाप जिल्ला, उमाकुण्ड गाउँपालिका वडा नं ३) का बासिन्दा, र ९४ हजार कित्ता न्यून प्रभावित क्षेत्र (रामेछाप जिल्ला, उमाकुण्ड गाउँपालिका वडा नं २ र गोकुलगंगा गाउँपालिका वडा नं १) का बासिन्दामा बाँडफाँड गरिनेछ।

Ads

Ads

Ads

स्थानीय बासिन्दाले न्यूनतम १० र अधिकतम ४७ हजार कित्ताका लागि आवेदन दिन सक्नेछन्। आवेदन एपोलो हाइड्रोपावर आयोजना कार्यालय (ओखलढुङ्गा), लक्ष्मी सनराइज बैंक (किन्जा, सोलुखुम्बु; शिवालय र प्रीति, रामेछाप), नेपाल इन्भेस्टमेन्ट बैंक (खिजिदेम्बा, ओखलढुङ्गा), र सिटिजन्स बैंक (लिखुपिके, सोलुखुम्बु) शाखाबाट दिन सकिन्छ। कम्पनीको आईपीओ बिक्री प्रबन्धक हिमालयन क्यापिटल रहेको छ।