पाल्पा सिमेन्ट इण्डष्ट्रीज लिमिटेडले सर्वसाधारणका लागि निष्काशन गरेको प्राथमिक सेयर (आईपीओ) मा आवेदन दिने आज फागुन १५ गते अन्तिम दिन रहेको छ। कम्पनीले फागुन १२ गतेदेखि प्रतिकित्ता १०० रुपैयाँ अंकित दरका ४५ लाख कित्ता सेयर सर्वसाधारणमा बिक्री खुला गरेको हो।
लगानीकर्ताले न्यूनतम १० कित्तादेखि अधिकतम १ लाख कित्तासम्म आवेदन दिन सक्ने व्यवस्था गरिएको छ। उक्त आईपीओको बिक्री प्रबन्धकका रूपमा नबिल इन्भेष्टमेन्ट रहेको छ।
यसअघि कम्पनीले उद्योग प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपाली नागरिकका लागि सेयर निष्काशन गरिसकेको छ। कम्पनीलाई आईपीओ जारी गर्न नेपाल धितोपत्र बोर्डले पुस ९ गते अनुमति दिएको थियो।
प्रतिकृया