कहिलेदेखि तेह्रथुम पावर कम्पनीको १०० प्रतिशत हकप्रद सेयर भर्न पाइन्छ ?

तेह्रथुम पावर कम्पनी लिमिटेडले असार १६ गतेदेखि शतप्रतिशत हकप्रद सेयर निष्काशन गर्ने भएको छ। कम्पनीले १:१ को अनुपातमा प्रतिकित्ता १०० रुपैयाँ दरमा कुल ४० लाख कित्ता हकप्रद सेयर निष्काशन गर्नेछ।

हकप्रद सेयरका लागि कम्पनीले जेठ ५ गते बुक क्लोज गरिसकेको छ। जस अनुसार, जेठ ४ गतेसम्म कायम रहेका सेयरधनीहरूले मात्र यस हकप्रदमा आवेदन दिन सक्नेछन्। आवेदन दिने अन्तिम मिति साउन ४ गतेसम्म रहेको छ।

Ads

Ads

Ads

कम्पनीको धितोपत्र निष्काशन तथा बिक्री प्रबन्धकमा नबिल इन्भेष्टमेन्ट बैंकिङ लिमिटेड रहेको छ। इच्छुक लगानीकर्ताहरूले नक्सालस्थित नबिल इन्भेष्टमेन्ट बैंकिङ कार्यालय, नबिल बैंकको तेह्रथुमस्थित छथर, म्याङलुङ्ग, फेदाप र संक्रान्तिबजार शाखा, कुमारी बैंकको मेन्छयायम शाखा तथा नेपाल धितोपत्र बोर्डबाट स्वीकृत आस्वा सेवामा सहभागी बैंक वा मेरो सेयर मार्फत आवेदन दिन सक्नेछन्।