सारथी केवल इन्डस्ट्रीज लिमिटेडले साधारण सेयर (आईपीओ) निष्काशन गर्ने भएको छ। कम्पनीले सिटिजन्स क्यापिटललाई बिक्री प्रबन्धकमा नियुक्त गर्दै औपचारिक सम्झौता गरेको हो। सम्झौतापत्रमा अध्यक्ष अंकित भुसाल र सिटिजन्स क्यापिटलका सीईओ सविर बादे श्रेष्ठले हस्ताक्षर गरेका छन्।
कम्पनीले जारी पूँजीको २० प्रतिशत आईपीओ निष्काशन गर्ने तयारी गरिरहेको छ, जुन आर्थिक वर्ष २०८२/८३ भित्र सम्पन्न गर्ने लक्ष्य छ। संकलित रकम नेपालमै पहिलोपटक ‘अण्डरग्राउण्ड केवल’ उत्पादन र आल्मुनियम फर्नेन्स प्लान्ट स्थापना गर्न प्रयोग गरिनेछ।
यसले देशलाई विद्युत सामग्रीमा आत्मनिर्भर बनाउने लक्ष्यमा सहयोग पुग्ने विश्वास लिइएको छ। भैरहवामा अवस्थित यस कम्पनीले १८ वर्षदेखि Multi-Strand, Power, Concentric Cable र ACSR Conductor उत्पादन गर्दै आएको छ।
प्रतिकृया