सागर डिष्टिलरीको आईपीओ बाँडफाँड सम्पन्न

सागर डिष्टिलरी लिमिटेडको आईपीओ बाँडफाँड सम्पन्न भएको छ। नेपाल सरकारको सम्बन्धित निकायबाट श्रम स्वीकृति लिएर वैदेशिक रोजगारीमा रहेका नेपालीका लागि जारी गरिएको सेयर भदौ ६ गते बाँडफाँड गरिएको हो। बाँडफाँड कार्यको जिम्मेवारी बिक्री प्रबन्धक मुक्तिनाथ क्यापिटलले सम्हालेको थियो।

कम्पनीले साउन २८ गतेदेखि भदौ १ गतेसम्म वैदेशिक रोजगारीमा रहेका नेपालीलाई १ लाख ४५ हजार २ सय कित्ता सेयर बिक्रीमा ल्याएको थियो। सो अवधिमा आवेदन दिएका १४ हजार ५२० जनालाई सेयर वितरण गरिएको कम्पनीले जनाएको छ।

Ads

Ads

Ads

बाँडफाँडको नतिजा मुक्तिनाथ क्यापिटलको वेबपोर्टल, सिडिएस एण्ड क्लियरिङद्वारा सञ्चालित ‘आईपीओ रिजल्ट’ र ‘मेरो सेयर’ मार्फत हेर्न सकिने छ।