अर्थ मन्त्रालयले बिदा स्वीकृत नगराई लगातार ९० दिनभन्दा बढी समयदेखि कार्यालयमा अनुपस्थित रहेका दुई कर्मचारीसँग स्पष्टीकरण माग गरेको छ ।
मन्त्रालयले कात्तिक १३ गते सूचना प्रकाशित गर्दै नितु भारती र विजया आचार्यलाई सेवाबाट किन नहटाउने भन्दै ३० दिनभित्र प्रमाणसहित स्पष्टीकरण पेस गर्न निर्देशन दिएको हो ।
मन्त्रालयका अनुसार नेपाल विविध सेवाकी नितु भारती र नेपाल प्रशासन सेवा, राजस्व समूहकी विजया आचार्य लामो समयदेखि आफ्नो पदाधिकार रहेको निकायमा अनुपस्थित रहेका छन् । भारतीको स्थायी ठेगाना सुर्खेतको वीरेन्द्रनगर नगरपालिका–६ र आचार्यको गोरखा नगरपालिका–२ रहेको सूचनामा उल्लेख छ ।
निजामती सेवा ऐन, २०४९ को दफा ५९ तथा निजामती सेवा नियमावली, २०५० को नियम ११० बमोजिम मन्त्रालयले स्पष्टीकरण माग गरेको हो । तोकिएको समयभित्र चित्तबुझ्दो आधार र प्रमाणसहित स्पष्टीकरण पेस नगरे प्रचलित कानुनअनुसार कारबाही प्रक्रिया अघि बढाइने मन्त्रालयले जनाएको छ ।
Ads
![२/३ गुणा बढ्नसक्ने कम्पनी कसरी छान्ने ? [भिडियोसहित]](https://bajarkochirfar.com/wp-content/uploads/2026/10/qtudNQkRB0o-maxresdefault-150x150.jpg)
प्रतिकृया