मतदानपछि केपी ओलीको दाबी: “एमालेले बहुमत ल्याउँछ, नआए पनि प्रमुख पार्टी बन्छ”

नेकपा (एमाले)का अध्यक्ष तथा निवर्तमान प्रधानमन्त्री केपी शर्मा ओलीले वर्तमान निर्वाचनले देशमा लोकतन्त्रको पुनर्स्थापना र सुव्यवस्था कायम गर्ने विश्वास व्यक्त गरेका छन्।

भक्तपुरको बालकोटस्थित मतदान केन्द्रमा मतदान गरेपछि सञ्चारकर्मीसँग कुरा गर्दै उनले शान्ति–सुव्यवस्था पुनः स्थापित हुनुपर्ने र नागरिकले डरत्रासबिना स्वतन्त्र रूपमा हिँडडुल गर्न पाउने वातावरण सुनिश्चित हुनुपर्ने बताए।

उनले भने, ““यस निर्वाचनले देशमा लोकतन्त्रको पुनर्स्थापना गर्नुपर्छ। अराजनीतिक अराजक क्रियाकलाप र हिंसात्मक गतिविधि नियन्त्रण गर्न महत्त्वपूर्ण दिशा दिन योगदान गर्नुपर्छ।”

उनले आफ्नो दल एमालेले बहुमत ल्याउने विश्वास व्यक्त गर्दै भने, “एमालेले सम्भव भएसम्म बहुमत ल्याउँछ, नआए पनि प्रमुख पार्टीको रूपमा आउँछ”