सर्वसाधारणका लागि नबिल बैंकको सेयर बिक्रीमा, प्रतिकित्ता कति रुपैयाँमा पाइने ?

नबिल बैंकले संस्थापक समूहका ७१,१४० कित्ता सेयर बिक्रीका लागि राखेको छ। बैंकका विद्यमान संस्थापक सेयरधनीबाट खरिदका लागि निवेदन नआएकोले यी सेयर अन्य व्यक्तिहरू तथा संस्थाहरूलाई खुला गरिएको हो।

बिक्रीमा राखिएका सेयरहरूको न्यूनतम मूल्य प्रतिकित्ता ३५० रुपैयाँ निर्धारण गरिएको छ। लगानीकर्ताले सेयर खरिदका लागि न्यूनतम मूल्य वा सोभन्दा बढी बोलकबोल गर्न सक्नेछन्।

सेयर खरिदका लागि निवेदन ७ दिनभित्र पेश गर्नुपर्नेछ। निवेदन काठमाडौं, नारायणचौरस्थित नबिल इन्भेस्टमेन्ट बैंकिङमा बुझाउन सकिनेछ।