नेपाली बजारमा बुधबार सुनको मूल्य पुनः बढेको छ भने चाँदीको मूल्य भने स्थिर रहेको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ हजार रुपैयाँले बढेर ३ लाख १९ हजार रुपैयाँ पुगेको छ। मंगलबार भने सुन प्रतितोला ३ लाख १७ हजार रुपैयाँमा कारोबार भएको थियो।
यसअघि मंगलबार मात्रै सुनको मूल्य प्रतितोला ३ हजार ८ सय रुपैयाँले बढेको थियो।
यता, चाँदीको मूल्य भने बुधबार स्थिर रहेको छ। मंगलबार प्रतितोला ५ हजार ७२० रुपैयाँमा कारोबार भएको चाँदी आज पनि सोही मूल्यमा किनबेच भइरहेको महासंघले जनाएको छ।
अन्तर्राष्ट्रिय बजारमा भने आज सुनको मूल्य प्रतिऔंस ५ हजार २०४ अमेरिकी डलर आसपासमा कारोबार भइरहेको छ।
प्रतिकृया