शिक्षामन्त्रीले स्वास्थ्य समस्याले गर्दा राजीनामा दिएकी हुन् : प्रधानमन्त्री ओली

प्रधानमन्त्री केपी शर्मा ओलीले शिक्षामन्त्री विद्या भट्टराईको राजीनामा आफूले असहयोग गरेको कारण नभएको स्पष्ट पारेका छन्। नेकपा माओवादीको ७६औँ स्थापना दिवसमा बोल्दै उनले मन्त्री भट्टराईलाई आफैँले मन्त्री बनाएको र स्वास्थ्य कारणले मात्र राजीनामा दिएको बताए। “मैले सहयोग गरेँ, सिकाएँ, तर घाँटीको अपरेशन भएपछि काम गर्न नसकेको हो,” ओलीले भने।

उनले मिडियाले आफूविरुद्ध गलत सल्लाह दिएजस्तो दुष्प्रचार गरेको आरोप पनि लगाए। शिक्षा मन्त्रालय ठूलो भएकाले काम गर्न गाह्रो हुन सक्ने संकेत गर्दै, प्रधानमन्त्रीको राजीनामा आउनुपर्थ्यो भन्ने भनाइप्रति पनि उनले प्रतिक्रिया दिए। “१५ महिनापछि राजीनामा दिने भनेकै छु, पर्खनुपर्‍यो,” उनले भने।