सिटिजन्सले १६ प्रतिशत नगद लाभांश दिने

सिटिजन्स क्यापिटलले लाभांश वितरण गर्ने घोषणा गरेको छ। कम्पनीको सञ्चालक समितिले भदौ ११ गते बसेको बैठकमा गत आर्थिक वर्ष २०८१/८२ को नाफाबाट चुक्ता पुँजीको करसहित १६ प्रतिशत अर्थात् ३ करोड २० लाख रुपैयाँ बराबर नगद लाभांश वितरण गर्ने प्रस्ताव पारित गरेको हो।

लाभांश पारित गर्न कम्पनीले असोज २ गते बिहान ११ बजे द लअन, झम्सिखेल, ललितपुरमा १९औँ वार्षिक साधारण सभा बोलाएको छ।

Ads

Ads

Ads

सभाबाट आर्थिक वर्ष २०८१/८२ को सञ्चालक समितिको वार्षिक प्रतिवेदन, लेखापरीक्षण प्रतिवेदन पेश गरिनेछ भने आर्थिक वर्ष २०८२/८३ का लागि बाह्य लेखापरीक्षक नियुक्ति र पारिश्रमिक निर्धारणसम्बन्धी निर्णय पनि गरिनेछ।