असार २९ देखि बुङ्गल हाइड्रोको आईपीओ खुल्दै, क-कसले भर्न पाउने ?

बुङ्गल हाइड्रो लिमिटेडले यही असार २९ गतेदेखि प्रथम चरणको प्रारम्भिक सार्वजनिक निष्काशन (आईपीओ) खुला गर्ने भएको छ। कम्पनीले आफ्नो ८३ करोड रुपैयाँको जारी पूँजीको ३५ प्रतिशत अर्थात् २९ लाख ५ हजार कित्ता आईपीओ प्रतिकित्ता १०० रुपैयाँको दरले निष्काशन गर्न लागेको हो, जसका लागि नेपाल धितोपत्र बोर्डबाट अनुमति केही दिनअघि मात्रै प्राप्त भएको छ। यो आईपीओ आयोजनाबाट प्रभावित स्थानीय बासिन्दा र वैदेशिक रोजगारीमा रहेका श्रम स्वीकृतिप्राप्त नेपालीहरूका लागि खुला गरिनेछ। कम्पनीले आयोजना प्रभावित बासिन्दाका लागि ८ लाख ३० हजार कित्ता र वैदेशिक रोजगारीमा रहेका नेपालीका लागि २ लाख ७ हजार ५०० कित्ता आईपीओ छुट्याएको छ।

आयोजना प्रभावितमध्ये अति प्रभावित क्षेत्रका बासिन्दाले ५ लाख ३९ हजार ५०० कित्ताका लागि आवेदन दिन सक्नेछन्, जसमा बझाङको बुंगल नगरपालिका वडा नं. ६ (साविक पिपलकोट गाविस वडा नं. ४, ५ र ७) र वडा नं. ७ (साविक कफल्सेरी गाविस वडा नं. १) का स्थानीयहरू समावेश छन्। यस्तै, सामान्य प्रभावित क्षेत्रका स्थानीयहरूलाई २ लाख ९० हजार ५०० कित्ता छुट्याइएको छ, जसमा बुंगल नगरपालिका वडा नं. १, २, ३, ४, ५, ८, ९, १० र ११ पर्छन्। आवेदन दिन चाहनेले कम्तीमा १० कित्ता र बढीमा २० हजार कित्तासम्म माग गर्न सक्नेछन्। आवेदन दिने अन्तिम मिति साउन ११ गते तोकिएको छ, तर उक्त म्यादभित्र पर्याप्त आवेदन नआएमा अवधि साउन २६ गतेसम्म लम्ब्याइनेछ।

Ads

Ads

Ads