बैंकहरूले अब आफ्ना एटीएममा कुनै समस्या आएमा सम्पर्क गर्न सकिने कर्मचारीको नाम र फोन नम्बर राख्न थालेका छन् । नेपाल राष्ट्र बैंकले हालै भुक्तानी प्रणालीसम्बन्धी एकीकृत निर्देशन-२०८० संशोधन गर्दै एटीएम प्रयोगमा सहजता ल्याउन यो व्यवस्था लागू गरेको हो ।
राष्ट्र बैंकले बैंकहरूलाई एटीएम रहेको स्थानमा ग्राहकलाई आवश्यक परे तुरुन्तै सहायता प्राप्त गर्न सक्ने गरी सम्बन्धित कर्मचारीको नाम, सम्पर्क नम्बर, साथै बैंकको नाम, ठेगाना र टेलिफोन नम्बर नेपाली तथा अंग्रेजी भाषामा स्पष्ट रूपमा राख्न निर्देशन दिएको थियो । ग्राहकलाई कुनै समस्या आएमा सहज रूपमा जानकारी वा सहयोग प्राप्त होस् भन्ने उद्देश्यले यो व्यवस्था लागू गरिएको हो ।
बैंकहरूले आफ्ना एटीएमहरूमा आवश्यक जानकारीसहितको सम्पर्क नम्बर राख्न थालेका छन्, जसले ग्राहकलाई सेवा लिन अझ सहज बनाउने विश्वास गरिएको छ । बैंकहरूले यी विवरणहरू नियमित रूपमा अद्यावधिक गर्नुपर्नेछ ।
प्रतिकृया