वैशाख ७ देखि चौथो संशोधन लागू हुँदै; प्रि-ओपन सेसन र मूल्य सीमामा ठूलो फेरबदल

नेपाल स्टक एक्सचेञ्ज लिमिटेड (नेप्से) ले धितोपत्र कारोबार सञ्चालन (चौथो संशोधन) विनियमावली, २०८२ लागू गर्ने निर्णय गरेको छ। सञ्चालक समितिको निर्णयअनुसार उक्त विनियमावली २०८३ वैशाख ७ गतेदेखि कार्यान्वयनमा आउनेछ। संशोधनअनुसार कारोबार समयभन्दा अघि वा पछि दिइने आदेशलाई समय प्राथमिकताका आधारमा राखी कारोबार सुरु भएपछि प्रणालीमा प्रविष्ट गर्नुपर्ने व्यवस्था गरिएको छ भने मूल्य सीमा अघिल्लो दिनको अन्तिम मूल्यको निश्चित प्रतिशतभित्र मात्रै रहनेछ।

साथै, प्रारम्भिक सत्रमा ५ प्रतिशत र निरन्तर सत्रमा ३ प्रतिशत मूल्य सीमाको प्रावधान राखिएको छ। नेप्से परिसूचकमा उल्लेख्य उतारचढाव भएमा सर्किट ब्रेकर लागू हुने व्यवस्था समेत संशोधित विनियमावलीमा समावेश गरिएको छ।