निजी क्षेत्रको हवाई सेवा प्रदायक कम्पनी श्री एयरलाइन्सले काठमाडौँ–पोखरा उडानका लागि विशेष अफर सार्वजनिक गरेको छ। यस अफर अन्तर्गत एयरलाइन्सले असोज ४ गतेसम्म एक टिकट खरिद गर्दा अर्को टिकट निःशुल्क दिने जनाएको छ।
कम्पनीका प्रबन्धक अनिल मानन्धरका अनुसार पोखराको पर्यटनलाई प्रोत्साहित गर्न र यात्रु आकर्षण बढाउन यो योजना ल्याइएको हो। “पोखरा–काठमाडौँ गन्तव्यमा हवाई यात्रुको चहल पहल बढाउन तथा पर्यटन प्रवर्दका लागि यो अफर ल्याएका हौँ, यसबाट थोरै भएपनि एयरलाइन्सको गतिविधि बढ्ने र पर्यटन क्षेत्रमा पनि केही राहत मिल्ने विश्वास लिएका छौँ ।” मानन्धरले बताए।
असोज ४ गतेसम्म टिकट खरिद गर्नेले अफर पाउनेछन् । श्री एयरलाइन्सले आन्तरिक उडानमा १० वटा फिक्स्ड विङ विमान र ८ वटा हेलिकप्टरमार्फत सेवा प्रदान गरिरहेको छ। कम्पनीसँग सीआरजे र बम्बार्डियर ड्यास–८–क्यू–४०० विमान छन्। साथै, श्री एयरलाइन्सले हाल काठमाडौँबाट भद्रपुर, विराटनगर, भैरहवा, नेपालगञ्ज, धनगढी, सुर्खेत लगायतका प्रमुख गन्तव्य तथा पर्वतीय उडान (माउन्टेन फ्लाईट) सञ्चालन गर्दै आएको छ ।
प्रतिकृया