काँग्रेस —एमालेबिच संविधान संशोधनका लागि आयोग बन्ने भन्ने कुरा साँचो होइन: केपी ओली

नेकपा एमालेका अध्यक्ष केपी शर्मा ओलीले नेपाली काँग्रेस -एमालेबिच संविधान संशोधनका लागि आयोग बनाउने कुनै पनि सहमति नभएको जानकारी दिएका छन्।

आज बसेको पार्टीको सचिवालय बैठकलाई सम्बोधन गर्दै उनले संविधान संशोधनका लागि काँग्रेस र एमालेबिच आयोग बनाउने सहमति नभएको बताएका हुन्।

उनले एमाले र नेपाली काँग्रेस मिल्दा संविधान अराजकता, अन्यौलता र अस्थिरतातिर गएको भन्ने कुरा भ्रम फैल्याउनका लागि बोलिएको बताए ।अध्यक्ष ओलीले प्रदेशहरूमा महिना दिनमा सरकार बनाउने, अस्थिरता निम्त्याउने, बार्गेनिङ गर्ने, निजी र दलगत स्वार्थलाई केन्द्र भागमा राखेर अस्थिरता निम्त्याउने क्रमलाई रोक्न एमाले र काँग्रेस मिलेको पनि जानकारी दिएका छन् ।