अमेरिकी सेयर बजारका प्रख्यात लगानीकर्ता वारेन बफेटले गरे ५.३ अर्ब डलर बराबरको सेयर दान

Ads

अमेरिकी सेयर बजारका प्रख्यात लगानीकर्ता वारेन बफेटले अहिलेसम्मकै सबैभन्दा ठूलो वार्षिक दान गरेका छन् । उनले ५ वटा च्यारिटीलाई बर्कसायर ह्याथवेको ५.३ अर्ब डलर बराबरको सेयर दान गरेका हुन् ।

आगामी अगस्टमा ९४ वर्ष पुग्न लागेका बफेटले ‘ए’ क्लासको ८ हजार ६७४ कित्तालाई परिवर्तन गरेर १३ लाख कित्ता ‘बी’ क्लासको सेयर दान गर्ने घोषणा गरेका हुन् । जसमध्ये ९ लाख ९३ हजार कित्ता सेयर बिल एण्ड मेलिन्डा गेट्स फाउन्डेशनलाई प्रदान गरिएको छ भने बाँकी रहेको सेयर सुसन थोमशन बफेट फाउन्डेशन र बफेटका सन्तान हावर्ड,सुसन र पिटर बफेटले सञ्चालन गरिरहेको च्यारिटलाई दान गरिएको छ ।

Ads

बफेटले सन् २००६ देखि यी ५ वटा परोपकारी संस्थाहरुलाई वार्षिक दान उपलब्ध गराउँदै आएका छन् । शुक्रबारको उक्त दानपश्चात पनि बफेटसँग १३० बिलियन डलरबराबरको २ लाख ७ हजार ९६३ कित्ता क्लास ए र २ हजार ५८६ कित्ता क्लास बी सेयर रहेको छ ।

#Bajarkochirfar #bazarkochirfar