के अब युट्युबर मिस्टर विस्टले किन्ने हुन् त टिकटक ?

टिकटकको अमेरिकी भविष्य अन्योलपूर्ण बनेका बेला, मिस्टर विस्टले यसलाई प्रतिबन्ध हुन नदिन आफ्नो प्रयास अघि बढाएका हुन्।  उनले एक्समा लेखेका छन्, “ठीक छ, म टिकटक किन्न तयार छु ताकि यो प्रतिबन्धित नहोस्।” केही समयपछि उनले अर्को पोस्ट गर्दै भने, “यो गम्भीर विषय हो। म धेरै अर्बपतिहरूसँग यसबारेमा कुरा गरिरहेको छु। हेर्दै जाऔं के हुन्छ।” उनको यो ट्विटले टिकटकको भविष्यका बारेमा धेरै अड्कलबाजीहरू हुन थालेको छ।

त्यस्तै, यसअघि  मस्कको सोशल मिडिया कम्पनी एक्स (पहिले ट्विटर) ले टिकटक खरीद गरेर यसलाई आफ्नो प्लेटफर्ममा एकीकृत गर्ने सम्भावनाबारे पनि  छलफल भइरहेको थियो। यदि चिनियाँ कम्पनी बाइटडान्सले अमेरिकी कम्पनीलाई टिकटक बिक्री नगरे आगामी आइतबारदेखि अमेरिकामा टिकटक सेवा भने बन्द हुनेछ । ​