संघीय संसदका ६ वटा समितिको बैठक आज बस्दैँ, के-के छन् एजेन्डा?

संघीय संसदका ६ वटा समितिका बैठक आज सिंहदरबारस्थित कार्यालयमा बस्ने तय भएको छ।

अन्तर्राष्ट्रिय सम्बन्ध र पर्यटन समितिको बैठक बिहान ११ः०० बजे सुरु हुनेछ, जसमा संस्कृति, पर्यटन तथा नागरिक उड्डयन मन्त्रालयको आर्थिक वर्ष २०८१/८२ को कार्यक्रम र हालसम्मको प्रगतिबारे छलफल हुनेछ।

Ads

Ads

Ads

कानून, न्याय तथा मानव अधिकार समितिको बैठक बिहान ११ः३० बजे बस्नेछ, जहाँ केही नेपाल ऐन संशोधन गर्न बनेको विधेयकअन्तर्गत बन तथा वातावरण मन्त्रालयसँग सम्बन्धित दफाहरूमा छलफल हुनेछ।

राज्य व्यवस्था तथा सुशासन समितिको बैठक पनि बिहान ११ः३० बजे बोलाइएको छ, जसमा भ्रष्टाचार निवारण ऐन, २०५९ लाई संशोधन गर्न बनेको विधेयकबारे उपसमितिको प्रतिवेदनमाथि छलफल हुनेछ।

त्यसैगरी, पूर्वाधार विकास समितिको बैठक बिहान ११ः०० बजे सुरु हुनेछ, जहाँ जलस्रोत विधेयक, २०८१ माथि दफाबार छलफल गरिनेछ।

विधायन व्यवस्थापन समितिको बैठक दिउँसो ३ः०० बजे बस्नेछ, जसमा तिलगङ्गा नेत्र विश्वविद्यालय विधेयक, २०८१ माथि दफाबार छलफल हुनेछ।

सार्वजनिक नीति तथा प्रत्यायोजित विधायन समितिको बैठक बिहान ११ः३० बजे बोलाइएको छ, जहाँ उद्योग, वाणिज्य तथा आपूर्ति मन्त्रालयका पदाधिकारीहरूसँग छलफल गरिनेछ। आजको दिन यी विभिन्न समितिहरूमा महत्त्वपूर्ण विषयमा छलफल हुने संसद सचिवालयले जनाएको छ।