संघीय संसद अन्तर्गत पाँचवटा समितिको बैठक आज बस्दै, के के छन् प्रमुख विषयहरू?

आज संघीय संसद अन्तर्गत विभिन्न पाँचवटा समितिको बैठक बस्दै छ।

पहिलो बैठक, महिला तथा सामाजिक मामिला समिति, बिहान ११ बजे सिंहदरबारमा बस्नेछ। यस बैठकमा सीईडीएडब्लु को आधारभूत सिफारिस नंम्बर ३९ को विषयमा छलफल हुनेछ।

Ads

Ads

Ads

त्यसैगरी, संघीयता सबलीकरण तथा राष्ट्रिय सरोकार समितिको बैठक पनि बिहान ११ बजे सिंहदरबारमा बस्ने छ, जसमा स्थलगत अनुगमन प्रतिवेदनको विषयमा छलफल हुनेछ।

विकास, आर्थिक मामिला तथा सुशासन समितिको बैठक बिहान साढे ११ बजे सिंहदरबारमा हुनेछ। यस बैठकमा दलित समुदायको अधिकार र विकाससँग सम्बन्धित कानूनी व्यवसायको आवश्यकता र कार्यान्वयन अनुगमन उपसमितिबाट पेस भएको प्रतिवेदनमाथि छलफल हुनेछ।

राज्य व्यवस्था समितिको बैठक दिउँसो १ बजे सिंहदरबारमा बस्ने छ, जसमा संघीय निजामती सेवाको गठन, सञ्चालन र सेवाका सर्तसँग सम्बन्धित विधेयकमा संशोधन प्रस्तावक सदस्यहरूसँग छलफल हुनेछ।

अन्तिममा, विधायन व्यवस्थापन समितिको बैठक दिउँसो १ बजे सिंहदरबारमा बस्ने छ, जहाँ तिलगंगा नेत्र विश्वविद्यालय विधेयक, २०८१ मा सरोकारवालासँग छलफल गरिनेछ।