कारोबारको पहिलो दिन नै सालपा विकास बैंकमा सकारात्मक सर्किट, कति पुग्यो सेयर मूल्य ?

सालपा विकास बैंक लिमिटेडको नेपाल स्टक एक्सचेन्ज (नेप्से) मा आज सोमबारबाट सेयर कारोबार सुरु भएको छ। नेप्सेको स्पेसल प्रि-ओपन सेसनमार्फत कम्पनीको पहिलो कारोबार प्रतिकित्ता ३०० रुपैयाँमा भएको थियो।

यसअघि गत शुक्रबार नेप्सेमा कम्पनीका ५२ लाख २३ हजार ८८० कित्ता सेयर सूचीकृत भएका थिए। नेप्सेले पहिलो कारोबारका लागि १०० रुपैयाँदेखि ३०० रुपैयाँको रेन्ज तोकेको थियो। सोही रेन्जभित्र पहिलो कारोबार ३०० रुपैयाँमै भएको हो। कारोबार सुरु भएको केहि मिनेटमा कम्पनीको सेयरमा सकारात्मक सर्किट लागेर ३३० पुगेको हो ।