अमेरिकी राष्ट्रपति जो बाइडेनले बिहीबार करिब एक हजार पाँच सय अपराधीको सजाय कम गरेका छन् । त्यसैगरी, उनले ३९ जनालाई अहिंसात्मक अपराधका लागि माफी दिएका छन्। यसलाई ह्वाइट हाउसको अनुसार अमेरिकी इतिहासमा माफी दिएको यो अहिलेसम्मकै ठूलो संख्या हो । ह्वाइट हाउसले सजाय कम गरिएका करिब एक हजार पाँच सय मानिसले कम्तीमा एक वर्षदेखि सजाय भोगिरहेको बताएको छ।
‘सफल पुनःस्थापना देखाउने ३९ जनालाई म क्षमा गर्दछु’, बाइडेनले विज्ञप्तिमा भने, ‘लामो जेल सजाय भोगिरहेका लगभग एक हजार पाँच सय व्यक्तिको सजाय पनि कम गर्दै छु।’ ‘अमेरिका सम्भावना र दोस्रो अवसरको प्रतिज्ञामा निर्माण भएको हो’, बाइडेनले भने, ‘राष्ट्रपतिको हैसियतमा मलाई पश्चाताप र पुनःस्थापना देखाउने व्यक्तिहरूप्रति दया विस्तार गर्ने महान् विशेषाधिकार छ।’
यसै महिनाको प्रारम्भमा बाइडनले आफ्ना छोरा हन्टर बाइडनको सजाय पनि माफी दिएको थिए । कार्यकाल सकिन लागेका समयमा यस्तो कदम चालेकोमा उनले आलोचना समेत सामना गर्नु परेको थियो।
प्रतिकृया