एनआईबिएल सहभागित फण्डले गर्यो ७ प्रतिशत लाभांश घोषणा

एनआईबिएल म्युचुअल फण्ड अन्तर्गत सञ्चालित एनआईबिएल सहभागित फण्डले आर्थिक वर्ष ०८१/८२ का लागि करसहित ७ प्रतिशत नगद लाभांश घोषणा गरेको छ। साउन ५ गते बसेको सञ्चालक समितिको बैठकले उक्त निर्णय गरेको हो। योजनाले साउन ५ गते नै बुक क्लोज गर्ने निर्णय लिएको छ। बुक क्लोजको आधारमा सो दिनसम्म कायम रहने इकाईधनीहरुले लाभांश प्राप्त गर्नेछन्।

हाल यो योजनाको ६ अर्ब रुपैयाँको आकार समाप्त भइसकेको छ। तर साउन ५ गतेसम्म थप गरिएको इकाई संख्या नेपाल धितोपत्र बोर्डबाट योजनाको आकार बृद्धि स्वीकृत भइसकेपछि मात्र हितग्राही खातामा जम्मा हुने र सोही अनुसार लाभांश पाउने व्यवस्था छ।खुलामुखी योजना भएकाले लाभांश रकम पुनः लगानी गर्न सकिने व्यवस्था छ। कर तथा डीपी शुल्क कटौतीपछि बाँकी रकम समायोजित मूल्यमा फिर्ता लगानी हुनेछ।