बैंकिङ प्रणालीमा तरलता धेरै भएपछि आज फेरि १ खर्ब झिक्दै राष्ट्र बैंक

Ads

नेपाल राष्ट्र बैंकले बैंकिङ प्रणालीमा देखिएको अधिक तरलता व्यवस्थापन गर्न आज १ खर्ब रुपैयाँ बजारबाट झिक्ने भएको छ। केन्द्रीय बैंकले ५६ दिन अवधिको निक्षेप संकलन उपकरणमार्फत उक्त रकम खिच्न लागेको हो।

राष्ट्र बैंकका अनुसार आज मध्यान्ह ३ बजेसम्म अनलाइन बिडिङ प्रणालीमार्फत बोलकबोल गर्न सकिनेछ।

Ads

इच्छुक बैंक तथा वित्तीय संस्थाले न्यूनतम १० करोड रुपैयाँदेखि आवेदन दिन सक्नेछन् भने अधिकतम रकम ५ करोड रुपैयाँका दरले भाग जाने गरी कुल आह्वान गरिएको रकमसम्म आवेदन दिन सकिने व्यवस्था गरिएको छ। यस उपकरणको साँवा तथा ब्याज भुक्तानी २०८३ जेठ २९ गते गरिनेछ।

निक्षेप संकलन प्रक्रियामा नेपाल राष्ट्र बैंकबाट इजाजत प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाहरूले सहभागिता जनाउन सक्नेछन्।