चालु आर्थिक वर्षको दोस्रो त्रैमाससम्म नेपाल इन्भेष्टमेन्ट मेगा बैंक लिमिटेडको खुद नाफा उल्लेखनीय रूपमा बढेको छ। बैंकको खुद नाफा ५७.१८ प्रतिशतले बढेर २ अर्ब ८३ करोड रुपैयाँ पुगेको छ। अघिल्लो वर्षको यही अवधिमा बैंकले १ अर्ब ८० करोड रुपैयाँ खुद नाफा कमाएको थियो। समिक्षा अवधिमा बैंकको खुद ब्याज आम्दानी भने २.३७ प्रतिशतले घटेर ७ अर्ब ३६ करोड रुपैयाँमा सीमित भएको छ।
इम्पेरमेन्ट चार्ज घटेकाले बैंकको सञ्चालन नाफा सुधारिएको छ। इम्पेरमेन्ट चार्ज अघिल्लो वर्षको २ अर्ब ८६ करोडबाट घटेर १ अर्ब ७७ करोड रुपैयाँमा झारेको छ जसकारण सञ्चालन मुनाफा ३३.६९ प्रतिशतले बढेर ४ अर्ब ४ करोड रुपैयाँ पुगेको हो। तर वितरणयोग्य मुनाफा भने २ अर्ब ८६ करोड रुपैयाँ ऋणात्मक रहेको छ।
बैंकको खराब कर्जा अनुपात०.४७ प्रतिशतले बढेर १.६७ प्रतिशत पुगेको छ। पुस मसान्तसम्म बैंकको चुक्ता पुँजी ३४ अर्ब १२ करोड ८५ लाख रुपैयाँ रहेको छ भने जगेडा कोषमा २९ अर्ब २ करोड रुपैयाँ सञ्चित छ। यस अवधिमा बैंकले ४ खर्ब ४० अर्ब रुपैयाँ निक्षेप संकलन गरी ३ खर्ब २८ अर्ब रुपैयाँ कर्जा लगानी गरेको छ।
प्रतिसेयर आम्दानी (ईपीएस) ६ रुपैयाँ ०४ पैसाले बढेर १६ रुपैयाँ ६० पैसा पुगेको छ। बैंकको प्रतिसेयर नेटवर्थ १८५ रुपैयाँ रहेको छ ।
Ads
प्रतिकृया