नेपाल राष्ट्र बैंकले बैंकिङ प्रणालीमा अत्यधिक तरलता भएको कारण फेरि निक्षेप संकलन उपकरण प्रयोग गर्दै पैसा तान्ने भएको छ। यस अन्तर्गत आज चैत ८ गते दिउँसो ३ बजे बोलकबोल हुने छ र बैंकिङ प्रणालीबाट कुल ४० अर्ब रुपैयाँ संकलन गर्ने योजना छ।
बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन सक्नेछन्। प्रत्येक बैंकले न्यूनतम १० करोड र अधिकतम ५ करोड रुपैयाँले भाग गर्दा निःशेष भाग जाने गरी बोलकबोल गर्न सक्नेछ, जसमा एकल वा बहुब्याजदर दुवै प्रकारका बोलकबोल स्वीकार हुनेछन्।
यो २१ दिने निक्षेप संकलन उपकरण हो र मूलधन तथा ब्याज भुक्तानी वैशाख २ गते हुनेछ। पछिल्ला समयमा कर्जाको माग नबढेको कारण बैंकिङ प्रणालीमा तरलता धेरै छ र बैंक तथा वित्तीय संस्थाहरू ३ प्रतिशत हाराहारी ब्याजदरमा पनि राष्ट्र बैंकलाई पैसा राख्न बाध्य छन्।
प्रतिकृया