नेपाल राष्ट्र बैंकले हायरपर्चेज कम्पनीहरूलाई ग्राहक पहिचान खाता (KYC) अनिवार्य गर्ने नयाँ नियम लागू गरेको छ। यसअघि जारी भएका नियमहरूलाई प्रतिस्थापन गर्दै राष्ट्र बैंकले अब हायरपर्चेज कर्जा दिने कम्पनीहरूलाई ग्राहकको पहिचान अनिवार्य गर्नुपर्ने व्यवस्था गरेको हो।
नयाँ नियमअनुसार हायरपर्चेज कर्जा दिँदा ग्राहकको पहिचान स्पष्ट राख्नुपर्छ। ग्राहकको नागरिकता वा राष्ट्रिय परिचयपत्रको विवरण विद्युतीय रूपमा राखी आवश्यक परेको बेलामा उपलब्ध गराउनुपर्नेछ। कम्पनीहरूले ग्राहक पहिचान तथा पुष्टि गर्ने नीति बनाउनुका साथै त्यसकै आधारमा कारोबार गर्नुपर्नेछ।
राष्ट्र बैंकले हायरपर्चेज कम्पनीहरूलाई उच्च पदस्थ व्यक्तिहरूको पनि वर्गीकरण गर्न भनेको छ। कम्पनीहरूले पदमा बहाल रहेका वा बहाल नभएका उच्च पदस्थ व्यक्तिहरू, छिमेकी वा अन्य विदेशी उच्च पदस्थ व्यक्तिहरू, साथै अन्तर्राष्ट्रिय संस्थाका उच्च पदस्थ व्यक्तिहरूलाई छुट्टै वर्गीकरण गर्नुपर्नेछ।
![सेबोन अध्यक्ष भट्टले सार्वजनिक गरे पूँजी बजार विकासका १५ प्रमुख एजेन्डा [भिडियोसहित]](https://bajarkochirfar.com/wp-content/uploads/2026/07/89bc274a-9daf-4136-875c-cec0d72f8ee8-150x150.png)
प्रतिकृया