होटल भादगाउँले १५ करोड रुपैयाँ बराबरको आईपीओ जारी गर्ने, बिक्री प्रबन्धकमा मुक्तिनाथ क्यापिटल

बजारको चिरफार

२०८२ श्रावण २१ गते

० प्रतिकृया

होटल भादगाउँले १५ करोड रुपैयाँ बराबरको आईपीओ जारी गर्ने, बिक्री प्रबन्धकमा मुक्तिनाथ क्यापिटल

Ads

होटल भादगाउँ एण्ड रिसोर्टले १५ लाख कित्ता साधारण सेयर (आईपीओ) निष्काशन गर्ने तयारी गरेको छ।

व्यवसायको विस्तार र स्तरोन्नतिको लक्ष्यसहित, होटलले सर्वसाधारणलाई लक्षित गर्दै १५ लाख कित्ता सेयर जारी गर्ने योजना बनाएको हो, जसबाट करिब १५ करोड रुपैयाँ पूँजी संकलन गर्ने लक्ष्य राखिएको छ।

Ads

सेयर निष्काशन प्रक्रिया अघि बढाउन होटलले मुक्तिनाथ क्यापिटल लिमिटेडलाई बिक्री प्रबन्धकको जिम्मेवारी दिएको छ। यस सन्दर्भमा आयोजित औपचारिक कार्यक्रममा होटल भादगाउँका प्रबन्ध निर्देशक निहाल राजभण्डारी र मुक्तिनाथ क्यापिटलका प्रमुख कार्यकारी अधिकृत कबिन्द्र ध्वज जोशीबीच सम्झौता पत्रमा हस्ताक्षर भएको हो।

भक्तपुरको युनेस्को सूचीमा सूचीकृत क्षेत्रको मुटुमा अवस्थित, सन् २०२१ मा स्थापना भएको होटल भादगाउँले हाल ४० सुविधा सम्पन्न कोठामार्फत सेवा दिँदै आएको छ। आईपीओबाट संकलित पूँजीमार्फत होटलले १०० नयाँ कोठासहित स्पा, फिटनेस सेन्टर, पार्किङ, सेमिनार हल, कन्फरेन्स र डेस्टिनेशन वेडिङ स्थल निर्माण गर्ने योजना अघि सारेको छ।