डिभिजन वन कार्यालय अर्घाखाँचीद्वारा बाँदर हेरालु पदका लागि दरखास्त आह्वान

लुम्बिनी प्रदेश सरकार, वन तथा वातावरण मन्त्रालय अन्तर्गतको डिभिजन वन कार्यालय अर्घाखाँचीले जिल्लाका बाँदरबाट अति प्रभावित २६ वटा क्षेत्रमा कृषि बालीको संरक्षण तथा बाँदर व्यवस्थापन गर्न २० जना ‘बाँदर हेरालु’ नियुक्त गर्ने सूचना प्रकाशित गरेको छ। वन संवर्धन प्रणालीमा आधारित वन व्यवस्थापन गरेका समूहहरूको लागत साझेदारीमा यी कर्मचारीहरू नियुक्त गर्न लागिएको हो। इच्छुक उम्मेदवारहरूले सूचना प्रकाशित भएको मिति (२०८३ साउन ६) ले तीन दिन भित्र कार्यालय समयमा आवेदन दिनुपर्नेछ।

यस पदका लागि उम्मेदवार सम्बन्धित बाँदर प्रभावित क्षेत्रकै स्थायी बासिन्दा हुनुपर्ने र उमेर ४५ वर्ष ननाघेको हुनुपर्ने योग्यता तोकिएको छ। साथै, वन, वन्यजन्तु तथा जैविक विविधता संरक्षणमा रुचि भएको हुनुपर्नेछ। सामुदायिक वन उपभोक्ता समूह, वन हेरालु, नर्सरी हेरालु वा सोही प्रकृतिको कार्यमा अनुभव प्राप्त व्यक्तिहरूलाई छनोट प्रक्रियामा प्राथमिकता दिइने सूचनामा उल्लेख छ।

छनोट भएका कर्मचारीहरूको कार्य अवधि २०८३ साउन १० गतेदेखि २०८३ असोज १० गतेसम्म (कुल २ महिना) रहनेछ। बाँदर हेरालुको मुख्य जिम्मेवारी बाँदरको नियमित निगरानी गर्ने, कृषकलाई समयमै सूचना दिने, समन्वय गर्ने र बाँदरलाई मानवीय तथा वातावरणमैत्री तरिकाले खेतीयोग्य क्षेत्रबाट प्राकृतिक वासस्थानतर्फ धपाउने रहनेछ। नियुक्त हुने कर्मचारीले मासिक १२,५०० रुपैयाँ पारिश्रमिक पाउनेछन्।

आवेदनका साथमा निवेदन, अनुभव भए सो खुल्ने प्रमाणपत्र र विगतमा बाँदरको क्षतिको विवरण सहितको वडाको सिफारिस संलग्न गर्नुपर्नेछ। प्राप्त दरखास्तहरूको मूल्याङ्कन गरी प्रभावित क्षेत्रका २६ स्थानमध्ये अति प्रभावित क्षेत्रमा कर्मचारीहरू खटाइनेछ। थप जानकारीका लागि सूचना अधिकारीलाई ९८५८३२१०१६ मा सम्पर्क गर्न सकिनेछ।

थप सुचनामा: