आठ दिनपछि सुनको मूल्य निर्धारण, तोलाको कतिमा हुँदैछ किनबेच ?

नेपाली बजारमा आठ दिनपछि सुन र चाँदीको मूल्य पुनः सार्वजनिक भएको छ। व्यवसायीहरूको आन्दोलनपछि सरकारले बिहीबार ६ बुँदे सहमति गरेसँगै शुक्रबारदेखि मूल्य निर्धारण सुरु भएको हो।

आज छापावाल सुनको मूल्य प्रति तोला ३०० रुपैयाँले घटेर १,९१,८०० रुपैयाँमा पुगेको छ भने चाँदीको मूल्य ५० रुपैयाँले बढेर २,२२० रुपैयाँमा कारोबार भइरहेको छ। असार १९ गतेदेखि मूल्य नआएकोमा कर र भ्याट विरुद्धको आन्दोलनका कारण मूल्य स्थिर थियो।

सरकारले बजेटमार्फत सुनमा २% विलासिता कर र हिराजडित गहनामा १३% भ्याट लगाएको थियो, जसका विरुद्ध व्यवसायीहरू आन्दोलनमा उत्रिएका थिए।