यस वर्ष रामेछापमा जुनार उत्पादनमा वृद्धि भएको छ। उत्पादनमा यो वृद्धि पानी समयमै परेको र जुनारका बोटमा किरा नलागेका कारण भएको हो। प्रधानमन्त्री कृषि आधुनिकीकरण परियोजना रामेछापका अनुसार, यस वर्ष चार हजार पाँच सय ३६ मेट्रिक टन जुनार उत्पादन हुने अनुमान गरिएको छ। यो उत्पादन वृद्धि संगै जुनार बिक्रीबाट २२ करोड ६८ हजार रुपैयाँ आम्दानी हुने देखिन्छ।
गएको वर्ष पनि चार हजार पाँच सय मेट्रिक टन जुनार उत्पादन भएको थियो। अहिले रामेछापमा पाँच सय ४० हेक्टर जमिनमा जुनार खेती हुँदैछ। परियोजनाका सूचना अधिकारी विनिसा श्रेष्ठका अनुसार, यस वर्ष ६० प्रतिशत बोटले फल दिएको छ र किसानहरूले प्रतिकिलो ५० रुपैयाँका दरमा बगैँचाबाट नै बिक्री गर्दा २२ करोड ६८ हजार रुपैयाँको आम्दानी हुने अपेक्षा गरिएको छ।
यो वर्षको उत्पादन वृद्धि मात्रै नभएर, रामेछापमा अन्य फलफूल उत्पादनमा पनि वृद्धि भएको छ। विशेष गरी अमिलो जातका जुनारसँगै सुन्तला, कागती र भोगटेको उत्पादनमा वृद्धि भएको छ। कृषि कार्यालय र प्रधानमन्त्री कृषि आधुनिकीकरण परियोजनाले केही वर्षदेखि किसानलाई अमिलो जातका फलफूल खेतीमा प्रोत्साहन गर्दै आएको छ।
त्यसका साथै, परियोजनाले निःशुल्क प्राविधिक सहयोग, सिँचाइ, बिरुवा, विषादीमा अनुदान र बजार व्यवस्थापनमा ५० देखि ७५ प्रतिशतसम्म सहयोग गर्दै आएको छ। रामेछापका विभिन्न गाउँमा किसानहरू व्यावसायिक रूपमा जुनार खेती गर्दै छन्।
प्रतिकृया