खसीबोका र च्याङ्ग्राको बिक्री आजदेखि सुरु, प्रतिकेजीमा कति छुट पाइन्छ ?

Ads

खाद्य व्यवस्था तथा व्यापार कम्पनी लिमिटेडले आज आइतबारदेखि खसीबोका र च्याङ्ग्राको बिक्री खुला गरेको छ। कम्पनीले प्रतिकेजी खसीबोकाको मूल्य ६७० रुपियाँ तोकी १० रुपियाँ छुट दिएर ६६० रुपियाँमा बिक्री गरेको छ भने, च्याङ्ग्राको मूल्य प्रतिकेजी १,२३० रुपियाँ निर्धारण गरी १० रुपियाँ छुटसहित १,२२० रुपियाँमा बिक्री सुरु गरेको छ।

कम्पनीले हालसम्म २०८ वटा खसीबोका र २८५ वटा च्याङ्ग्रा ल्याइसकेको छ र थप खसीबोका ल्याउने क्रम जारी छ।

Ads

चाडपर्वको अवसरमा उपभोक्तालाई सुपथ मूल्यमा खसीबोका र च्याङ्ग्रा बिक्री गर्ने उद्देश्यले कम्पनीले प्रत्येक वर्ष जस्तै यस वर्ष पनि बिक्री अभियान सञ्चालन गरेको हो। यो दसैँमा १५ सय खसीबोका र ३०० च्याङ्ग्रा गरी १८ सयको बिक्री गर्ने लक्ष्य राखिएको छ।

यसैबीच, निजी व्यवसायीहरूले भने घटस्थापनाको दिनदेखि नै खसीबोका बिक्री सुरु गरेका छन्। दसैँमा खसीबोकाको उच्च माग हुने हुँदा व्यवसायीहरूले विभिन्न जिल्लाबाट खसीबोका खरिद गरी उपत्यकामा ल्याएर बिक्री गर्दै आएका छन्।