काभ्रे जिल्लाको तेमाल गाउँपालिका वडा नं. ७ चापाखोरीमा ठूलो विपत्ति परेको छ। लगातारको अविरल वर्षाका कारण दुई घर भत्किएपछि दुःखद घटना घटेको छ, जसमा घरमा रहेका व्यक्तिहरूको मृत्यु भएको छ। सोही घरकी पाताली तामाङको मृत्यु भएको छ भने मृतक पातालीको घरमा सहयोग गर्न आएकी धुल्खु निवासी उनकी आफ्नै बहिनीको पनि मृत्यु भएको छ।
घटनापछि प्रहरी चौकी नारायणथानबाट प्रहरी टोली घटना स्थलमा पुगेको छ, तर अविरल वर्षाका कारण शव निकाल्न निकै कठिनाइ भइरहेको छ।
पानीको अत्यधिक बहावका कारण उद्धार कार्य प्रभावित भएको र मृतकका परिवारजनलाई शोक परेको बताइएको छ। स्थानीय प्रशासन उद्धार कार्यमा जुटिरहेको भए पनि मौसमका कारण कठिनाइ उत्पन्न भइरहेको छ।
प्रतिकृया