सेयर लगानीकर्तालाई जोगाउने कि अन्योलमै राख्ने ? सरकार अझै कति दिन कानमा तेल हालेर बस्ने हो? : सांसद थेबे

Ads

नेकपा एमालेका सांसद क्षितिज थेबेले सरकारको नीतिगत तथा नियामकीय अन्योलका कारण सेयर बजारमा लगानीकर्ताको विश्वास कमजोर बन्दै गएको बताएका छन्। उनले रास्वपा नेतृत्वको सरकार गठन भएपछि लगानीकर्ताले करिब ५ खर्ब रुपैयाँ बराबरको सम्पत्ति गुमाएको र नेप्से परिसूचक ३२९ अंकले घटेको बताए।

‘सेयर बजारमा लाखौं नेपालीको लगानी छ । ७६ लाख डिम्याट खाता छ । २०८२ चैत १२ गते २९५० बिन्दुमा रहेको नेप्से हाल शुक्रबारसम्ममा आईपुग्दा ३२९ अंकले घटेर २६२१ बिन्दुमा खुम्चिएको छ,’ थेबेले भने, ‘चैत १२ गते बजार पुँजीकरण ५० खर्ब ९ अर्ब ३८ करोड रुपैयाँ रहेकोमा हाल ५ खर्ब ४ अर्ब ९५ करोडले घटेर ४५ खर्ब ४ अर्ब ४३ करोड रुपैयाँमा सीमित भएको छ । अर्थात् सेयर लगानीकर्ताले ५ खर्ब ४ अर्ब रुपैयाँ गुमाएका छन् ।’

Ads

उनले यसको असर लगानीकर्तामा मात्रै नभएर त्यसबाट सरकारले प्राप्त गर्ने राजस्वमा समेत परेको बताए ।

सांसद थेबेले नियामकीय अन्योलका कारण लगानीकर्ताको विश्वास कमजोर बनेको भन्दै सरकारले सेयर बजारप्रति आफ्नो नीति स्पष्ट गर्नुपर्ने माग गरे। “लगानीकर्तालाई जोगाउने कि अन्योलमै राख्ने ? सरकार अझै कति दिन कानमा तेल हालेर बस्ने हो ?”