आईसीएफसी फाइनान्स लिमिटेडले निष्काशन गरेको ऋणपत्रमा आवेदन दिने अन्तिम दिन आज, फागुन १४ गते हो। कम्पनीले फागुन ११ गतेदेखि ऋणपत्र बिक्री खुला गरेको थियो।
कम्पनीले प्रति ऋणपत्र १,००० रुपैयाँ अंकित मूल्यमा कुल ५ लाख कित्ता, अर्थात् ५० करोड रुपैयाँ बराबरको ऋणपत्र निष्काशन गरेको छ। यसमध्ये ३ लाख कित्ता व्यक्तिगत लगानीकर्तालाई बिक्री गरिनेछ भने बाँकी २ लाख कित्ता सर्वसाधारणका लागि छुट्याइएको छ। सर्वसाधारणका लागि छुट्याइएको २ लाख कित्तामध्ये १० हजार कित्ता सामूहिक लगानी कोषका लागि रिजर्भ गरिएको छ।
आवेदन गर्दा न्यूनतम २५ कित्ता र अधिकतम २ लाख कित्तासम्म आवेदन दिन सकिने छ। ऋणपत्र निष्काशन तथा बिक्रीको व्यवस्थापन कुमारी क्यापिटलले गर्नेछ।
नेपाल धितोपत्र बोर्डले माघ २१ गते कम्पनीलाई ऋणपत्र निष्काशनको अनुमति दिएको हो। वार्षिक ८% ब्याजदरमा जारी यो ऋणपत्रको अवधि ७ वर्षको रहेको छ।
प्रतिकृया