लाभांश पारित गर्न असार २ गते बस्दैछ रिलायबल नेपाल लाइफको साधारण सभा, कति दिँदैछ लाभांश?

लाभांश पारित गर्न रिलायबल नेपाल लाइफ इन्स्योरेन्स लिमिटेडको वार्षिक साधारण सभा (सोमबार) असार २ गते बस्दैछ। सभा काठमाडौँको भाटभटेनीस्थित आम्रपाली ब्यांकेटमा बिहान ११ बजे सुरु हुनेछ।

सभाले हालको चुक्ता पूँजीको १२ प्रतिशत बोनस सेयर र सोको कर प्रयोजनार्थ ०.६३ प्रतिशत नगद लाभांश वितरण गर्ने प्रस्ताव पारित गर्नेछ। साथै, सभा मार्फत प्रबन्धपत्र तथा नियमावली संशोधनका लागि सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरू पनि पारित गरिनेछ।

साधारण सभा तथा लाभांश वितरण प्रयोजनका लागि कम्पनीले जेठ २६ गते बुक क्लोज गरिसकेको छ। त्यसअनुसार जेठ २५ गतेसम्म  कायम रहेका सेयरधनीहरू मात्र सभामा सहभागी हुन र लाभांश प्राप्त गर्न योग्य हुनेछन्।