कक्षा १२ को परीक्षा सञ्चालन नगर्ने शिक्षक महासङ्घको निर्णय, विद्यालय बन्द गरेर आन्दोलनमा साथ दिन आग्रह

उत्तरपुस्तिका परीक्षण, नतिजा प्रकाशन, प्रवेश परीक्षा र विद्यार्थी भर्नाजस्ता काममा पनि सहभागी नहुन आग्रह गर्दै शीघ्र शिक्षा ऐन जारी गरेर विद्यालय शिक्षाको उचित व्यवस्थापन र गुणस्तर सुधार गर्न दबाब दिएको छ। महासंघले निजी विद्यालयहरूको संघ प्याब्सन र एनप्याब्सनलाई पनि समर्थनका लागि आन्दोलनमा सहभागी हुन बोलाएको छ। अध्यक्ष लक्ष्मीकिशोर सुवेदी र महासचिव तुलाबहादुर थापाद्वारा हस्ताक्षरित विज्ञप्तिमा काठमाडौं केन्द्रित आन्दोलनलाई सफल बनाउन सबै शिक्षक समुदायलाई साथ दिन अपील गरिएको छ।