सोनापुर मिनरल्स एण्ड आयल लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, कम्पनीको खुद नाफा घाटाबाट निस्कँदै बढेर ४ करोड ३६ लाख रुपैयाँ पुगेको छ। अघिल्लो वर्षको सोही अवधिमा कम्पनीले ८ करोड ५५ लाख रुपैयाँ घाटा व्यहोरेको थियो।
बिक्री आम्दानी उल्लेख्य रूपमा बढ्नु र अन्य आम्दानी सहितको कुल आय वृद्धिका कारण कम्पनी नाफामा आएको हो।
🔴 Quarterly Report LIVE Update [Q1]: नेप्सेमा सूचीकृत कम्पनीहरूको वित्तीय विवरणको LIVE अपडेट
पहिलो त्रैमाससम्ममा कम्पनीको बिक्री आम्दानी ९५.२९ प्रतिशतले बढेर ६६ करोड ९९ लाख रुपैयाँ पुगेको छ भने अन्य आम्दानी ११ लाख ५० हजार रुपैयाँ रहेको छ। खर्च पक्षमा, कम्पनीको बिक्री तथा वितरण खर्च ४९ लाख ४५ हजार रुपैयाँ, ह्रासकट्टी खर्च ५ करोड ४६ लाख रुपैयाँ र प्रशासनिक खर्च ४ करोड १ लाख रुपैयाँ रहेको विवरणमा उल्लेख छ।
यस्तै, कम्पनीको सञ्चालन मुनाफा १३ करोड ४८ लाख रुपैयाँ पुगेको छ।
३ अर्ब ७ करोड ५० लाख रुपैयाँ चुक्ता पूँजी रहेको सोनापुर मिनरल्स एण्ड आयलको जगेडा कोषमा २ अर्ब ८२ करोड रुपैयाँ सञ्चित छ।
समीक्षा अवधिमा कम्पनीको प्रतिसेयर आम्दानी १.४२ रुपैयाँ, प्रतिसेयर नेटवर्थ १९१.९१ रुपैयाँ, प्रतिसेयर कुल सम्पत्तिको मूल्य ४५९.३७ रुपैयाँ र तरलता अनुपात १.८२ प्रतिशत रहेको छ।
प्रतिकृया