मल्टिपर्पस फाइनान्स लिमिटेडले आर्थिक वर्ष २०८१/८२ को नाफाबाट सेयरधनीलाई कुनै पनि प्रकारको लाभांश वितरण नगर्ने निर्णय गरेको छ। कम्पनीको सञ्चालक समितिले नगद लाभांश र बोनस सेयर दुवै वितरण नगर्ने प्रस्ताव अघि बढाउने निर्णय गरेको हो।
साउन २० गते बसेको सञ्चालक समितिको बैठकले आर्थिक वर्ष २०८१/८२ को वित्तीय विवरणका आधारमा सेयरधनीलाई लाभांश वितरण नगर्ने प्रस्ताव गर्ने निर्णय गरेको कम्पनीले जनाएको छ।
कम्पनीका अनुसार उक्त प्रस्ताव स्वीकृतिका लागि नेपाल राष्ट्र बैंकमा पेश गरिनेछ। राष्ट्र बैंकबाट स्वीकृति प्राप्त भएपछि आगामी वार्षिक साधारणसभामा सो प्रस्ताव अनुमोदनका लागि पेश गरिनेछ।
प्रतिकृया