कालिन्चोक हाइड्रोपावर लिमिटेडले फागुन १३ गतेदेखि पहिलो चरणको आईपीओ निष्काशन गर्न लागेको छ। यस चरणमा कम्पनीले आयोजना प्रभावित स्थानीय र वैदेशिक रोजगारीमा रहेका नेपालीका आईपीओ निष्काशन गर्न लागेको हो।
आयोजना प्रभावित स्थानीयका लागि कम्पनीले दोलखाको बिगु गाउँपालिका वडा नं. ८ र कालिन्चोक गाउँपालिका वडा नं. २ र ३ का स्थानीयलाई ५ लाख ५० हजार कित्ता सेयर निष्काशन गर्नेछ। स्थानीयले न्यूनतम १० कित्ता र अधिकतम १० हजार कित्ताको लागि आवेदन दिन सक्नेछन्। आवेदन प्रारम्भिक रूपमा फागुन २७ गतेसम्म खुला हुनेछ र पर्याप्त आवेदन नपरेमा ढिलो आवेदन चैत्र १२ गतेसम्म लिन सकिनेछ।
त्यस्तै, वैदेशिक रोजगारीमा रहेका नेपालीका लागि ८२ हजार ५ कित्ता सेयर निष्काशन गरिनेछ, जसमा न्यूनतम १० र अधिकतम ४ हजार कित्तासम्म आवेदन दिन सकिनेछ। यस समूहका लागि आवेदन फागुन १७ गतेसम्म खुला रहनेछ। पहिलो चरणपछि कम्पनीले बाँकी सेयर सर्वसाधारणका लागि निष्काशन गर्ने तयारी गरेको छ।
प्रतिकृया