डक्सकुलले सिर्जनात्मक सामुदायिक मिडिया फेलोसिप २०२१-२०२२ संस्करणका लागि आवेदन आव्हान गरेको छ। युवा मिडियाकर्मी र सामाजिक अभियन्ताहरूलाई लक्षित गर्दै डकुमेन्ट्री फिल्म, फोटो पत्रकारिता र सामुदायिक सञ्चालन सम्बन्धी व्यावहारिक सीप प्रदान गर्ने उद्देश्यले यो ६ महिने मिडिया तालिम तथा फेलोसिप कार्यक्रम आयोजना गर्न लागिएको सूचनामा उल्लेख छ।
सूचना अनुसार यो कार्यक्रम सुनसरी, धुलिखेल र उदयपुर गरी तीन स्थानमा आवासीय रूपमा सञ्चालन गरिनेछ। यो कार्यक्रम २०२६ को सेप्टेम्बरदेखि सुरु हुनेछ। कार्यक्रमका लागि जम्मा १० वटा सिटहरू उपलब्ध छन् र छनौट भएका सहभागीहरूका लागि यो कार्यक्रम पूर्ण रूपमा निःशुल्क हुने बताइएको छ। १६ देखि २५ वर्ष उमेर समूहका युवाहरू यस फेलोसिपका लागि आवेदन दिन योग्य हुनेछन्।
यो तालिम कार्यक्रमलाई चार चरणमा विभाजन गरिएको छ। पहिलो चरणमा दुई महिनाको भिजुअल मिडिया प्राविधिक तालिम प्रदान गरिनेछ। दोस्रो चरणमा दुई महिना सामुदायिक संस्थासँगको सहकार्य र कार्यक्रम निर्माणमा केन्द्रित हुनेछ। तेस्रो चरणमा एक महिनाको विशिष्ट कार्यशाला तथा सम्पादन हुनेछ भने चौथो चरणमा युथ मिडिया फेस्टिभल आयोजना गरिने सूचनामा जनाइएको छ।
सहभागीहरूले डक्सकुलबाट ‘डिप्लोमा इन क्रिएटिभ कम्युनिटी मिडिया’ को प्रमाणपत्र प्राप्त गर्नेछन्। इच्छुक उम्मेदवारहरूले १५ अगस्त २०२६ भित्र तोकिएको गुगल फारम मार्फत आवेदन दिइसक्नुपर्नेछ। आवेदन प्रक्रियामा पहिलो चरणको छनौटका लागि व्यक्तिगत विवरण, आफ्नो फोटो तथा पूर्व कार्यहरूको विवरण बुझाउनुपर्नेछ।
थप जानकारीका लागि आधिकारिक सूचना हेर्नुहोस्:
