स्ट्याण्डर्ड चार्टर्ड बैंकले माग्यो असिस्टेन्ट रिलेशनशिप म्यानेजर पदमा कर्मचारी

स्ट्याण्डर्ड चार्टर्ड बैंक नेपालले कमर्सियल बैंकिङ्ग विभाग अन्तर्गत असिस्टेन्ट रिलेशनशिप म्यानेजर पदका लागि आवेदन आह्वान गरेको छ। यस पदका लागि आवेदन दिने उम्मेदवारसँग सम्बन्धित क्षेत्रमा अनुभव हुनुपर्नेछ। शैक्षिक योग्यताको हकमा MBA, CA वा बैंकिङ्ग/फाइनान्स विषयमा स्नातक तह उत्तीर्ण गरेको हुनुपर्ने र कर्पोरेट बैंकिङ्ग उत्पादनहरू तथा नियामक आवश्यकताहरूको राम्रो ज्ञान हुनुपर्ने बैंकले जनाएको छ। उम्मेदवारमा उत्कृष्ट सञ्चार र विश्लेषणात्मक सीप हुनुपर्नेछ। छनौट भएका कर्मचारीहरूले व्यवसाय वृद्धिलाई समर्थन गर्ने, ग्राहक सम्बन्ध व्यवस्थापन गर्ने, जोखिम अनुगमन गर्ने र बैंकका नीतिहरूको पालना सुनिश्चित गर्ने जिम्मेवारी वहन गर्नुपर्नेछ। इच्छुक योग्यता पुगेका उम्मेदवारहरूले जुन ३, २०२६ सम्ममा आवेदन दिन सक्नेछन्।