एनआईसी एशिया बैंक लिमिटेडको २८औँ वार्षिक साधारण सभा आज (जेठ १८ गते सोमबार) काठमाडौंको भद्रकालीस्थित आर्मी अफिसर्स क्लबमा सम्पन्न भएको छ।
सभाले आर्थिक वर्ष २०८१/८२ का लागि सञ्चालक समितिको प्रतिवेदन, लेखापरीक्षकको प्रतिवेदन तथा २०८२ आषाढ मसान्तसम्मको वासलात, नाफा–नोक्सान हिसाब र नगद प्रवाह विवरण लगायतका वार्षिक वित्तीय विवरणहरू छलफल गरी स्वीकृत गरेको छ।
त्यस्तै, सञ्चालक समितिले प्रस्ताव गरेअनुसार सम्बन्धित निकायको आवश्यक स्वीकृति प्राप्त गरी बैंकको हाल कायम चुक्ता पुँजीको २:१ अनुपातमा हकप्रद सेयर जारी गर्ने प्रस्तावलाई सभाले स्वीकृति प्रदान गरेको छ। साथै अन्य विभिन्न प्रस्तावहरू पनि सभाबाट पारित भएका छन्।
सभाले संस्थापक सेयरधनीहरूको तर्फबाट अशोक कुमार अग्रवाल, रामचन्द्र संघई र जयन्त कुमार अग्रवाल तथा सर्वसाधारण शेयरधनीहरूको तर्फबाट आदित्य कुमार अग्रवाल, केशव प्रसाद लम्साल र अनुपा प्रधान राजभण्डारीलाई निर्विरोध रूपमा सञ्चालकमा निर्वाचित गरेको छ।
प्रतिकृया