सूर्यकुण्ड हाइड्रो इलेक्ट्रिक लिमिटेडले सामूहिक लगानी कोषहरूलाई बाँडफाँड गरेको ३४ हजार ४८४ कित्ता सेयरको लकइन अवधि भदौ ४ गतेबाट समाप्त हुने भएको छ।
धितोपत्र निष्काशनसम्बन्धी व्यवस्थाअनुसार कम्पनीले आईपीओ निष्काशन गरी सर्वसाधारणलाई सेयर बाँडफाँड गरेको मितिबाट सामूहिक लगानी कोषलाई छुट्याइएको सेयर छ महीनासम्म लकइनमा राख्नुपर्ने व्यवस्था छ। सोही व्यवस्थाअनुसार सूर्यकुण्ड हाइड्रोको उक्त सेयरको लकइन अवधि भदौ ४ गतेबाट सकिन लागेको हो।
यस्तै, संस्थापक, आयोजना प्रभावित स्थानीय बासिन्दा तथा कर्मचारीतर्फको सेयर भने सर्वसाधारणलाई आईपीओ बाँडफाँड भएको मितिबाट तीन वर्षसम्म लकइनमा रहने व्यवस्था रहेको छ।
प्रतिकृया