रवि लामिछानेकाे दुई अपराधसम्बन्धी मुद्दा फिर्ता गर्ने निर्णयविरुद्धको रिट सुनुवाइ हुँदै

राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेसहितको सम्पत्ति शुद्धीकरण र संगठित अपराधसम्बन्धी अभियोगपत्र संशोधन निर्णयविरुद्धको रिट सर्वोच्च अदालतमा सुनुवाइका लागि पेसी तोकिएको छ। न्यायाधीश मनोजकुमार शर्मा र श्रीकान्त पौडेलको संयुक्त इजलासमा सुनुवाइ हुने भएको हो।

वरिष्ठ अधिवक्ता दिनेश त्रिपाठी, कानुनका विद्यार्थी आयुष बडाल र युवराज पौडेल सफलले बिहीबार दायर गरेको रिटमा महान्यायाधिवक्ता सविता भण्डारीको निर्णयलाई ‘गैरकानुनी, बदनियतपूर्ण र स्वेच्छाचारी’ भन्दै रद्द गर्न माग गरिएको छ।

Ads

Ads

Ads

महान्यायाधिवक्ताले २०८२ पुस ३० गते लामिछानेविरुद्ध कास्की, काठमाडौं, रुपन्देही र पर्सामा दायर मुद्दामा अभियोग संशोधन गरेकी थिइन्। रिटमा यो निर्णय राजनीतिक प्रतिशोधमा आधारित, कानुनको कपटपूर्ण प्रयोग र बचतकर्ताको हितलाई खतरा पु-याउने ठहर गरिएको छ।