पूर्वप्रधानन्यायाधीश कार्की भन्छिन्, “रवि लामिछानेको मानव अधिकार उल्लंघन भयो”

पूर्व प्रधानन्यायाधीश सुशीला कार्कीले सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति रवि लामिछानेलाई रातारात एक स्थानबाट अर्को स्थानमा सार्नु मानव अधिकारको उल्लङ्घन भएको टिप्पणी गरेकी छिन्।

शनिबार काठमाडौंमा आयोजित एक कार्यक्रममा बोल्दै उनले यसो भनिन्।

Ads

लामिछानेलाई कात्तिक २ गते काठमाडौंबाट पक्राउ गरिएको थियो। उनले पोखरा, बुटवल, वीरगञ्ज, भरतपुर र काठमाडौंमा बयान दिएका छन्। सुरक्षाको कारण देखाउँदै मंसिर १९ गते राति उनलाई चितवनबाट पोखरा सारिएको थियो। लामिछानेले आरोप लगाएका थिए कि उनलाई सुत्नसमेत नदिएर रातारात पोखरा लगिएको थियो।

यस विषयमा सत्तारुढ दलका नेताहरूले पनि असन्तुष्टि व्यक्त गरेका छन्। बिहीबार कास्की जिल्ला अदालतले लामिछानेलाई थप ५ दिन हिरासतमा राखेर अनुसन्धान गर्न अनुमति दिएको छ।