अमेरिकामा टिकटकमाथि प्रतिबन्धको सम्भावना बढ्दै जाँदा चिनियाँ एप रेडनोटमा अमेरिकी टिकटक प्रयोगकर्ताहरूको भिड लागिरहेको छ ।सोमबार अमेरिकामा एप्पलको एप स्टोरमा रेडनोट सबैभन्दा धेरै डाउनलोड हुने एप बनेको छ । चीन, ताइवान र मदारिन भाषा बोल्ने जनसङ्ख्या धेरै भएको ठाउँमा यो एप खासगरी युवाहरूमाझ निकै लोकप्रिय छ । यसमा करिब ३० करोड सक्रिय प्रयोगकर्ता छन् ।
टिकटक प्रतिबन्धको खतरा बढ्दै जाँदा अमेरिकी सामाजिक सञ्जाल प्रयोगकर्ताहरू ठूलो सङ्ख्यामा रेडनोटतर्फ आकर्षित भएका छन् । यो एप चीनमा ‘सियाओहोङ्सु’ नामले चिनिन्छ । एप्पल एपस्टोरमा रेडनोटपछि सबैभन्दा बढी डाउनलोड हुनेमा टिकटकको सिस्टर एप लेमन एट रहेको छ ।
आगामी आइतबार अर्थात् १९ जनवरीमा टिकटकमाथि प्रतिबन्ध लागेपछि रेडनोटमा स्विच गर्ने बताएका छन् । अमेरिकी कानुनले यस प्लेटफर्मलाई चीनमा रहेको यसको अभिभावक कम्पनी बाइटडान्ससँगको सम्बन्ध तोड्न वा अमेरिकी कार्य सञ्चालन बन्द गर्न बाध्य भएको छ ।
प्रतिकृया