सिन्धुपाल्चोक केन्द्रबिन्दु भएर भूकम्प, काठमाडौंसम्म धक्का महसुस

सिन्धुपाल्चोक केन्द्रविन्दु भएर ४.८ म्याग्निच्युडको भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार, बिहीबार दिउँसो १ बजेर २ मिनेट जाँदा भूकम्प गएको हो।

सिन्धुपाल्चोकको माझीटार आसपास केन्द्रविन्दु रहेको यो भूकम्पको धक्का काठमाडौंसहित वरपरका जिल्लाहरूमा पनि महसुस गरिएको थियो।

यसअघि, मंगलबार बिहान ७:५४ बजे बैतडी केन्द्रविन्दु भएर ४.६ म्याग्निच्युडको भूकम्प गएको थियो।